Morteiro de Saturninus. Papón. Ourense

05/12/2022 | 2022 | peza do mes
2022_12_p

Con motivo das obras realizadas na estrada N-525, ao abeiro do coñecido como Plan de accesos a Galicia, levado a cabo na primeira metade da década dos anos 70 do século XX, que tiña por obxecto mellorar o trazado desta vía, tivo lugar o descubrimento desta peza, xunto cuns fragmentos de terra sigillata, nas proximidades da cidade de Ourense, á altura do lugar de Papón. Manuel Blanco Guerra, coñecedor do achado, deu conta deste no diario La Región, o 3 de xaneiro de 1974.

Trátase dun fragmento de mortarium, do que só se conserva o arranque do corpo co pico vertedoiro, con dimensións máximas de 12,3 x 5,8 cm, de pasta arxilosa, moi depurada, de cor ocre. A ambos os lados da canle presenta sendas cartelas con marcas impresas. Na marxe dereita do vertedoiro oblicua á canle de desaugadoiro, a cartela contén o selo completo: SATURNIN(I), cunha ordenación de lectura do texto do exterior ao interior do bordo, que nos indica o nombre do propietario ou director do obradoiro onde foi realizado. No outro lado, tamén oblicuo ao vertedoiro, leva unha nova cartela, anepigráfica, cun ramo de palma, motivo que habitualmente acompaña os produtos asinados por Saturninus.

Exposición “Plástica castrexa”

05/12/2022 | destacado | exposicións
Plastica_Castrexa02
  • Onde:

    Sala de exposicións Afundación Ourense

    Praza Maior, 4. Ourense

  • Datas:

    2 decembro / 26 febreiro 2023

  • Horario:

    Luns a venres: de 17.30 a 20.30 h

    Sábados, domingos e festivos: de 12.00 a 14.00 h. e de 17.30 a 20.30 h

  • Entrada:

    Gratuíta

Inauguración da exposición “Plástica castrexa”

05/12/2022 | destacado | exposicións
_DSC0048

O venres 2 de decembro, ás 12 horas, tivo lugar o acto de inauguración da exposición ”Plástica Castrexa” organizada polo Museo Arqueolóxico Provincial de Ourense, na sala de exposicións Afundación en Ourense (Praza Maior, 4).

Proximamente…

30/11/2022 | exposicións
Plastica_Castrexa01

Fotografía antiga das termas da Chavasqueira

02/11/2022 | 2022 | peza do mes
Fotograf’a antiga das termas da Chavasqueira

A fotografía móstranos o río Miño no seu encadramento montañoso tomada desde a beira dereita preto do afloramento da Chavasqueira prope a capital. Obsérvanse pequenas charcas formadas na desembocadura das augas termais e un grupo de persoas que as aproveitan.

A data da fotografía pódese precisar no primeiro lustro dos anos 50 do pasado século, xa que a construción máis destacable no monte do fondo é o Seminario Maior (comezado a construír polo bispo Blanco Nájera en 1950 e rematado e inaugurado polo bispo Temiño Sáiz en 1953).

Esta fotografía, depositada na colección do Museo Arqueolóxico, está acompañada doutras tres tomas: unha que destaca pola fileira de bañistas envoltos en mantas, toallas e albornoces, e outras dúas que retratan o templete, dentro do cal se producía o afloramento termal.

← entradas máis antigas